काठमाडौं। नेपालले पहिलाे मैत्रीपूर्ण खेलमा घरेलु टोली ताजिकिस्तानसँग फराकिलाे हार बेहाेरेकाे छ।
सेन्ट्रल स्टेडियम, डुसान्बेमा बुधबार भएकाे खेलमा ताजिकिस्तानले पाहुना टाेलीलाई ४–० ले हराएकाे हाे। ताजिकिस्तानका शेर्भोनी माबत्शोएव र मनुचेखर जालिलोभले समान दुई गाेल गरे। फिफा वरीयता ७१ स्थानमाथिको ताजिकस्तानविरूद्व नेपाल चाैथाेपल्ट मैदान उत्रिएकाे हाे।
यसअघि सन् २०१७ मा एसिया कप छनाेटअन्तर्गत भएकाे दुई खेलमा नेपाल ३–० र २–१ ले पराजित भएकाे थियाे। त्यस्तै अर्काे वर्ष भएकाे मैत्रीपूर्ण खेलमा पनि ताजिकिस्तान २–० ले विजयी भएकाे थियाे।
नेपालले अब शनिबार अफगानिस्तानसँग दाेस्राे खेल खेल्नेछ।
-1731593189.jpeg)
