फ्रान्सको टोलीमा अटेनन् एमबाप्पे

काठमाडौं। रियल मड्रिडमा प्रभाव जमाउन संघर्षरत केलियन एमबाप्पे फेरि फ्रान्सको टोलीबाट बाहिरिएका छन्।

बिहीबार प्रशिक्षक डिडिएर डेसच्याम्प्सले नेसन्स लिगमा इजरायल र इटालीविरुद्धको खेलका लागि खेलाडीको सूची सार्वजनिक गरेका थिए। तर, उनलाई समावेश गरिएको थिएन। यसअघि एमबाप्पे तिघ्राको चोटका कारण टोलीबाट बाहिरिएका थिए।

तर, यस पटक एमबाप्पे घाइते नभएको र उनी छनोट हुन चाहेको डेसच्याम्प्सले बताए। ‘निर्णय गर्नु मेरो जिम्मेवारी हो। मलाई लाग्छ कि यो राम्रो तरिका हो,’ डेसच्याम्प्सले भने।

स्ट्राइकरबिना आफ्नो छनोटबारेमा विस्तृत रूपमा बताएनन्। तर, स्विडेनको मिडियाले भने पेरिस सेन्ट-जर्मेनका पूर्वस्टारलाई बलात्कार अनुसन्धानको कारण टोलीमा नसमेटिएको बताएका छन्।

यसै समरमा पिएसजीबाट मड्रिड प्रवेश गरेका एमबाप्पेको प्रदर्शन पछिल्ला केही सातायता राम्रो देखिएको छैन। आफ्नो नयाँ टोलीको खेल शैलीमा अनुकूलन गर्न उनी संघर्षरत छन्। 

गत महिना क्लासिकोमा बार्सिलोनासँग ४–० ले पराजित हुँदा एमबाप्पे अदृश्य भएका थिए। यो साता च्याम्पियन्स लिगमा एसी मिलानसँग ३–१ ले पराजित हुनुमा उनी कुनै कारक थिएनन्। एमबाप्पेले जुनयता फ्रान्सका लागि गोल गरेका छैनन्।

गत महिना नेसन्स लिगमा फ्रान्सले इजरायल र बेल्जियमलाई हराउँदा एमबाप्पेले स्टकहोमको भ्रमण गरेका थिए। पछि स्वीडेनका सञ्चारमाध्यमले उनी माथि बलात्कारको अनुसन्धान भइरहेको बताएका थिए। उनको कानुनी टोलीले ती रिपोर्टलाई झूटो भन्दै खण्डन गरेका छन्। 

फ्रान्सले नोभेम्बर १४ मा इजरायलसँग घरेलु मैदानमा खेल्नेछ र त्यसको तीन दिनपछि इटाली जानेछ। चार खेलपछि इटाली समूह तालिकाको शीर्ष स्थानमा छ र फ्रान्सभन्दा एक अंकले अगाडि छ। बेल्जियम तेस्रो स्थानमा छ।