एजेन्सी । दोस्रो वरियताका स्पेनिस स्टार राफायल नाडाल अष्ट्रेलियन ओपन टेनिसको क्वाटर फाइनलमा प्रवेश गरेका छन् ।
आइतबार भएको चौथो चरणमा चेक गणतन्त्रका थोमस बर्डिचलाई हराएर नाडालले क्वाटरफाइनल यात्रा तय गरेका हुन् ।
मेलबर्न पार्कमा ३२ बर्षीय नाडालले बर्डिचलाई ६-०,६-१ र ७-६ (७-४) को सेटमा हराए ।
१७ पटकको ग्राण्डस्लाम विजेता नाडालले अब अमेरिकन खेलाडी फ्रान्सिस टियाफोसंग खेल्नेछन् । फ्रान्सिसले बुल्गेरियाका ग्रिगोर दिमित्रोभलाई हराएर क्वाटरफाइनलमा पुगेका हुन् ।
महिलातर्फ दोस्रो वरियताकी एन्जलिक केर्बेर चौथो चरणबाट बाहिरिएकी छिन् । जर्मनीकी केर्बेरलाई डानीले कोलिनले ६-० र ६-२ को सेटमा हराईन ।
यस्तै मारिया सारापोभालाई अष्ट्रेलियाकी एश्ली बार्टीले ४-६,६-१ र ६-४ को सेटमा हराईन ।
