एजेन्सी । अमेरिकन खेलाडी सेरेना विलियम्स अष्ट्रेलियन ओपन टेनिसको दोस्रो चरणमा प्रवेश गरेकी छिन् । मंगलबार भएको पहिलो चरणको खेलमा जर्मनीकी टात्जानिया मारियालाई हराएर सेरेना दोस्रो चरणमा पुगेकी हुन् ।
मेलबर्न पार्कमा पुर्व विश्व नम्बर एक सेरेनाले मारियालाई ६-० र ६-४ को सेटमा पराजित गरिन् । कीर्तिमानी २४ औं ग्राण्डस्लाम को उपाधि जित्ने लक्ष्यमा रहेकी सेरेनाले मारियालाई हराउन मात्र ४९ मिनेटको समय खर्च गरिन् ।
अहिले १६ औं वरियतामा रहेको सेरेनाले अब दोस्रो चरणमा क्यानडा यूगेनिए बौचार्ड र चीनकी पेङ शुईबीचको बिजेतासंग खेल्नेछिन् ।
यस्तै ब्रिटिस खेलाडी जोहन्ना कोन्टाले पनि अष्ट्रेलियन ओपनको दोस्रो चरणमा स्थान पक्का गरेकी छिन् । कोन्टाले घरेलु खेलाडी अजिला टमलाजनोभिकलाई ७-६(७-४),२-६,७-६ (१०-७) को सोझो सेटमा पराजित गरिन् ।
