एजेन्सी । विश्व नम्बर एक रोमानियाकी सिमोना हालेप सिड्नी इन्टरनेसनल टेनिसको पहिलो खेलमै पराजित भएकी छिन् ।
अष्ट्रेलियाको सिड्नीमा जारी प्रतियोगिता पहिलो खेलमा हालेप घरेलु टोलीकी एशले बार्टीसंग पराजित भईन् । करिब तीन महिनापछि टेनिस कोर्टमा फर्किएकी हालेपलाई १५ औं वरियताकी बार्टीले ६ - ४ र ६ - ४ को सेटमा हराईन् ।
ढाडमा समस्या आएपछि हालेप पछिल्लो तीन महिनायता टेनिस कोर्टबाहिर रहेकी थिइन् । चीनमा सम्पन्न हुवान ओपन टेनिसको दौरान अभ्यास गर्दा हालेपलाई ढाडको समस्या देखिएको थियो ।
