एजेन्सी । स्विटजरल्याण्डका टेनिस खेलाडी रोजर फेडेररले कीर्तिमानी तेस्रो पटक होपम्यान कप जितेका छन् । उपाधिसंगै उनी प्रतियोगिताको सबै भन्दा सफल खेलाडी बनेका छन् ।
फाईनलमा स्विटजरल्याण्डले जर्मनीलाई २–१ ले पराजित गर्न सफल भयो । फेडेररले मिक्स डबलमा बेलिन्डा बेनसिचसंग मिलेर जर्मनीका एलेक्जेन्डर ज्वेरेव र एञ्जेलिक कर्बरको जोडीलाई लगातार दोस्रो पटक हराउन सफल भएको हो ।
दुवैले पछिल्लो बर्ष यही जोडीलाई पराजित गर्दै उपाधि जितेका थिए । फेडेररले पहिलो पटक सन् २००१ म मार्टिना हिंगिससंग मिलेर फाईनल जितेका थिए ।
