काठमाडौं । आठौं संस्करणको आईसीसी महिला टी-ट्वान्टी विश्वकपमा आज शनिबार दुई खेल हुदैछ ।
दक्षिण अफ्रिकामा जारी यस संस्करणको विश्वकपमा आज समूह 'ए' र समूह 'बी' का खेलहरु हुदैछ ।
आजको पहिलो खेलमा समूह 'बी' मा रहेका इंग्ल्याण्ड र वेस्ट इण्डिजबीच खेल हुदैछ । खेल नेपाली समयअनुसार साँझ ६ः४५ बजेबाट सुरु हुनेछ ।
दुई देशबीचको पछिल्लो पाँच टी-ट्वान्टी अन्तराष्ट्रियमा इंग्ल्याण्ड पाँच खेलमा नै अपराजित रहेको छ ।
आज नै हुने दोस्रो खेलमा समूह 'ए' मा रहेका साबिक बिजेता अष्ट्रेलिया र न्युजिल्याण्डबीचमा खेल हुदैछ । खेल नेपाली समयअनुसार बेलुका १०ः४५ बजे आयोजना हुनेछ ।
दुई देशबीचको पछिल्लो पाँच टी-ट्वान्टी अन्तराष्ट्रियमा अष्ट्रेलियाले तीन र न्युजिल्याण्डले एक खेल जित्दा एक खेल भने नतिजा बिहिन भएको थियो ।
दुवै खेल पार्लस्थित बोल्याण्ड पार्कमा हुनेछ ।
यस प्रतियोगिता २६ फेब्रुअरीसम्म जारी रहने छ । प्रतियोगितामा १० टोलीको सहभागीता रहेको छ ।
सहभागी १० टोलीलाई ५/५ टोलीको दुई समूहमा बिभाजन गरिएको छ ।
दुई समूहमा शीर्ष दुई टिम सेमिफाईनल प्रवेश गर्ने छन् ।
समूह 'ए' मा आयोजक दक्षिण अफ्रिका,साबिक बिजेता अष्ट्रेलिया,श्रीलंका,बंगलादेश र न्युजिल्याण्ड रहेका छन् ।
समूह 'बी' मा दुई पुर्व बिजेताहरु इंग्ल्याण्ड र वेस्ट इण्डिज,आयरल्याण्ड,भारत र पाकिस्तान रहेका छन् ।
