काठमाडौं । मोरक्को कतारमा जारी फिफा विश्वकप फुटबलको सेमिफाइनलमा प्रवेश गरेको छ ।
शनिबार राति भएको क्वाटरफाइनलमा पोर्चुगललाई १-० गोल अन्तरले हराउँदै मोरक्को अन्तिम चारमा पुगेको हो ।
मोरक्को पहिलो पटक विश्वकपको सेमिफाइनलमा पुगेको हो ।
यस्तै मोरक्कोले विश्वकपको सेमिफाइनलमा पुग्ने पहिलो अफ्रिकन राष्ट्र बन्दै इतिहास रचेको छ ।
अल थुमामा स्टेडियममा मोरक्कोलाई जित दिलाउन युसेफ एन नेसरीले निर्णायक गोल गरे ।
![Image](https://pbs.twimg.com/media/FjoKZq4XkAcuJ5c?format=jpg&name=4096x4096)
पोर्चुगलविरुद्ध १० खेलाडीमा समेटिएको मोरक्कोले पहिलो हाफमै गोल गरेको थियो ।
खेलको ४२ औं मिनेटमा नेसरीले एटिया अल्लाहको पासमा हेडर मार्फत गोल गरे ।
यस्तै खेलको इन्जुरी समयमा मोरक्को १० खेलाडीमा समेटिएको थियो ।
वालिड चेडिराले दोहोरो पहेलो कार्डसहित रातो कार्ड पाएर मैदानबाट बाहिरिएका थिए ।
![Image](https://pbs.twimg.com/media/FjoLjAPXwAcJ3qQ?format=jpg&name=4096x4096)
अब मोरक्कोले सेमिफाइनलमा फ्रान्ससँग खेल्नेछ ।
पोर्चुगल भने विश्वकपबाट बाहिरिएको छ ।
![Image](https://pbs.twimg.com/media/FjoZyi1XwAUKyCW?format=jpg&name=4096x4096)