काठमाडौं । कतारमा जारी फिफा विश्वकप फुटबल अन्तर्गत क्वाटरफाइनलको दोस्रो खेलमा आज नेदरल्यान्ड्स र अर्जेन्टिनाबीच प्रतिस्पर्धा हुँदैछ ।
लुसाइल स्टेडियममा हुने नेदरल्यान्ड्स र अर्जेन्टिनाबीचको खेल राति १२:४५ बजे सुरु हुनेछ ।
नेदरल्यान्ड्स आज अर्जेन्टिनालाई स्तब्ध पार्दै सेमिफाइनल पुग्न चाहन्छ ।
नेदरल्यान्ड्सले राउण्ड अफ १६ मा अमेरिकालाई हराएको थियो ।
अर्जेन्टिना पनि नेदरल्यान्ड्सलाई हराएर अन्तिम चारको यात्रा तय गर्न चाहन्छ ।
अर्जेन्टिनाले राउण्ड अफ १६ मा अष्ट्रेलियालाई हराएको थियो ।
हेड टु हेड -
दुई टोलीबीच अहिलेसम्म ९ खेलमा प्रतिस्पर्धा भएको छ । जसमा ४ खेलमा नेदरल्यान्ड्सले जितेको छ । तीन खेल अर्जेन्टिनाले जित्दा २ खेल बराबरीमा सकिएको छ ।
सम्भावित सुरुआती-११
नेदरल्यान्ड्स - नोप्पेर्ट, टिम्बर, भान डाइक, एके, डुमफ्रिएस, डी रून, डी योङ, ब्लाइन्ड, क्लासेन, गाक्पो र मेम्फिस
अर्जेन्टिना - मार्टिनेज, मोलिना, रोमेरो, ओटामेन्डी, अकुना, डी पाउल, फर्नान्डिज, म्याक एलिस्टर, डी मारिया, अल्भारेज, मेस्सी
प्लेयर्स टु वाच -
यस खेलमा नेदरल्यान्ड्सका मेम्फिस डिपे र अर्जेन्टिनाका लियोनल मेस्सी प्लेयर्स टु वाचमा रहेका छन् ।
1711199972.jpeg)
