काठमाडौं । फिफा कतार विश्वकप २०२२ को उद्घाटन खेलमा अहिले आयोजक राष्ट्र कतार र इक्वेडरबीच प्रतिस्पर्धा भईरहेको छ ।
अल बायत स्टेडियममा जारी खेलको पहिलो हाफ सकिदा कतारविरुद्ध इक्वेडरले २-० को अग्रता बनाएको छ ।
इक्वेडरका लागि दुबै गोल कप्तान इनर भ्यालेन्सियाले गरे ।
खेलको १६ औं मिनेटमा भ्यालेन्सियाले पेनाल्टीबाट गोल गर्दै इक्वेडरलाई सुरुआती अगता दिलाएका थिए ।
कतारी गोलकिपर साद अब्दुल्लाह अल शिवले पेनाल्टी क्षेत्रभित्र भ्यालेन्सियालाई लडाएपछि इक्वेडरले पेनाल्टी पाएको थियो । जसमा इनरले सहजै गोल गरे ।
त्यसअघि भ्यालेन्सियाले तेस्रो मिनेटमा गोल गरेका थिए । तर, भीएआरले उनको गोललाई अफसाइड देखाएको थियो।
त्यसपछि खेलको ३२ औं मिनेटमा हेडरमार्फत भ्यालेन्सियाले व्यक्तिगत दोस्रो गोल गरेपछि इक्वेडर पहिलो हाफमै २-० ले अघि रहेको हो ।
