दीपेन्द्रको वरियता सुधार

काठमाडौं । नेपाली राष्ट्रिय क्रिकेट टिमका अलराउन्डर दीपेन्द्र सिंह ऐरीको ब्याटिङ वरीयता सुधार भएको छ ।

अन्तर्राष्ट्रिय क्रिकेट परिषद (आईसीसी) ले अपडेट गरेको टी-ट्वान्टीको नयाँ वरीयतामा दीपेन्द्रको वरीयता एक स्थान सुधार भएको हो । दीपेन्द्र यस अघि ६२ औं स्थानमा रहेका थिए ।

नयाँ वरीयतामा दीपेन्द्र ६१ औं स्थानमा रहेका छन् । ब्याटिङतर्फ नै कुशल भुर्तेलको वरीयता यथावत रहेको छ । नयाँ वरीयतामा कुशल ५३ औं स्थानमा यथावत रहेका छन् ।

बलिङतर्फ सन्दीप लामिछाने भने २ स्थान तल झरेर ७३ औ स्थानमा रहेका छन् । अलराउन्डर तर्फ भने दिपेन्द्र सिंह ऐरी एक स्थान तल झरेर १० औं स्थानमा रहेका छन् ।

ब्याटिङतर्फ पाकिस्तानका मोहमद रिजवान शीर्ष स्थानमा यथावत रहेका छन् ।

बलिङमा जोस हाजलउड शीर्ष स्थानमा रहदा अलराउण्डर तर्फ भने शाकिब अल हसन शीर्ष स्थानमा फर्किएका छन् ।