पोखरा । गण्डकी प्रदेशमा जारी नवौं राष्ट्रिय खेलकुद प्रतियोगिता अन्तर्गत साइक्लिङको क्रस कन्ट्रीमा लक्ष्मी मगर र सुरज राना मगरले स्वर्ण पदक जितेकी छिन् ।
पोखराको ड्यामसाइड नजिक रानीबनको ट्रयाकमा आइतबार महिलातर्फ बागमती प्रदेशकी लक्ष्मीले निर्धारित दुरी १ घण्टा ०९.४८ सेकेन्डमा पूरा गर्दै स्वर्ण हात पारेकी हुन् ।
आर्मी क्लबकी उषा खनालले १ घण्टा १२.३९ सेकेन्डको समय निकाल्दै रजत पदक जितिन् ।
एपीएफकी हुमी बुढा मगरले १ घण्टा २०.०४ सेकेन्डको समय निकाल्दै कास्य हात पारेकी छिन् ।
पुरुषतर्फ एपीएफ क्लबका सुरजले निर्धारित दुरी १ घण्टा ०९.३९ सेकेन्डमा पूरा गर्दै स्वर्ण जितेका हुन् ।
आर्मीका हिमाल टमटाले १ घण्टा ११.४३ सेकेन्डको समय निकाल्दै रजत जिते ।
कास्य पदक जितेका एपीएफका लक्ष्मण मल्लले १ घण्टा १३.२५ सेकेन्डको समय निकाले ।
