एजेन्सी । विश्व नम्बर एक नोभाक जोकोभिचलाई पराजित गर्दै एलेक्जेन्डर जेभेरेभले एटीपी फाइनल्स टेनिसको उपाधि जितेका छन् । सिजनको अन्तिम प्रतियोगितामा करियरकै सबै भन्दा ठुलो नतिजा निकाल्दै जेभेरेभले विश्व नम्बर एक जोकोभिचलाई अप्रत्यासित रुपमा हराएका हुन् ।
३१ बर्षिय जोकोभिच जर्मन खेलाडीसंग ६–४ र ६–३ को सेटमा पराजित भए । पहिलो सेटमा जोकोभिचको ५–४ को अग्रता तोडेको जेभेरेभले दोस्रो सेट पुर्णतया आफ्नो नियन्त्रणमा राखेका थिए ।
'म अविश्वसनिय रुपमा खुसी छु । यो मेरो सबैभन्दा ठुलो उपाधि हो ।' जेभेरेभले भने, 'मैले कसरी खेले, कसरी जिते । यो मेरो लागि कल्पनामात्र हो ।'
समुह चरणको खेलमा जोकोभिचले जेभेरेभलाई पराजित गरेका थिए । तर उपाधि भिडन्तमा विश्व नम्बर एक खेलाडीलाई पराजित गर्दै जर्मन खेलाडीले समुह चरणमा ब्यहोरेको हारको बदला समेत लिएका छन् ।
