एजेन्सी । शीर्ष वरीयताका सर्बियन खेलाडी नोभाक जोकोभिच एटीपी फाइनल्स टेनिसको उपाधि नजिक पुगेका छन् ।
शनिबार भएको सेमिफाइनलमा दक्षिण अफ्रीकाका केभीन एण्डरसनलाई पराजित गर्दै जोकोभिचले फाइनल यात्रा तय गरेका हुन् ।
लण्डनमा जोकोभिचले एण्डरसनलाई ६ - २ र ६ - २ को सेटमा पाखा लगाए ।
अब जोकोभिचले फाइनलमा एलेक्जेन्डर जेभेरेभसंग खेल्नेछन् । यसअघि समूह चरणको खेलमा जोकोभिचले जेभेरेभलाई पराजित गरेको थियो ।
जर्मनीका जेभेरेभले सेमिफाइनलमा स्विस खेलाडी रोजर फेडेररलाई ७ -५ र ७ - ६ (७-५) को सेटमा पराजित गर्दै फाइनल यात्रा टी गरेका हुन् ।
