फेडेरर सेमिफाईनलमा

एजेन्सी । ६ पटकका च्याम्पियन रोजर फेडेरर एटीपी फाईनल्स टेनिसको सेमिफाईनलमा प्रवेश गरेका छन् । बिहिबार राति भएको खेलमा फेडेररले केभिन एन्डरसनलाई ६–४ र ६–३ को सेटमा पराजित गर्दै अन्तिम ४ मा स्थान पक्का गरेका हुन् ।

योसंग उनी प्रतियोगितामा १५ औ पटक सेमिफाईनल प्रवेश गरेका छन् ।

जितसंगै फेडेररले विश्व नम्बर एक नोभाक जोकोभिचसंग सम्भाव्य सेमिफाईनलको भेटलाई तत्कालका लागि टार्न समुहको शीर्ष स्थानमा उक्लिएका छन् ।

गत आईतबार पहिलो खेलमा पराजित फेडेररले लगातार दुई खेलमा जित निकाल्दै प्रतियोगितामा पुनरागमन गरेका थिए । साउथ अफ्रिकाका एन्डरसन दुई खेलमा जित निकाल्दै सेमिफाईनल प्रवेश गरिसकेका छन् ।

विश्व नम्बर एक जोकोभिच यसअघिनै सेमिफाईनल प्रवेश गरिसकेका छन् । उनले शुक्रबारको खेलमा मारिन किलिचलाई पराजित गर्दै समुहको शीर्ष स्थानमा उक्लिन सक्नेछन् ।