एजेन्सी । शीर्ष वरीयताका सर्बियन खेलाडी नोभाक जोकोभिचले एटीपी फाइनल्स टेनिसको सेमिफाइनलमा प्रवेश गरेया छन् ।
बुधबार राति भएको पहिलो खेलमा एलेक्जेन्डर जेभेरेभलाई पराजित गर्दै जोकोभिचले सेमिफाइनलमा स्थान पक्का गरेको हो ।
लण्डनमा भएको खेलमा जोकोभिचले जेभेरेभलाई ६ - ४ र ६ - १ ले हराएर सेमिफाइनल यात्रा तय गरेका हुन् । राउण्ड रोबिनको आधारमा जारी प्रतियोगितामा जोकोभिच एक खेल अगावै सेमिफाइनलमा पुगेका हुन् ।
एटीपी फाइनल्सको सेमिफाइनलमा पुग्ने पहिलो खेलाडी बनेका जोकोभिचले अन्तिम खेलमा मारिन सिलीचसंग खेल्नेछन् ।
यसअघि जोकोभिचले पहिलो खेलमा १० दशौं वरीयताका जोन इस्नरलाई पराजित गरेका थिए ।
