दोधारमा हालाण्ड

एजेन्सी । मेको अन्त्य हुनुभन्दा अघि नर्वे तथा जर्मन क्लब बोरूसिया डर्टमन्ड का स्ट्राइकर एर्लिङ हालाण्डले आफ्नो अर्को गन्तव्यमा निर्णय गर्नेछन् । उनका लागि प्रिमियर लिगको महारथी म्यानचेस्टर सिटी र स्पेनिस महारथी रियल मड्रिड मुख्य गन्तब्य हुन् । त्यसैले यसलाई लालिगा र प्रिमियर लिगको बीचमा प्रतिष्ठाको लडाईको रुपमा पनि विश्व फुटबलले हेरिरहेको छ ।

हालान्ड विश्व फुटबलले देखेका उत्कृष्ट युवा स्ट्राइकर हुन्, जसलाई अनुबन्ध गर्न युरोपका सबै ठुला क्लब लागिपरेका छन् । तर सबै हिसाबले यो दौडमा सिटी र मड्रिडनै अघि छन् । यद्धपी महत्वपूर्ण कुरा पिएसजीलाई पनि बिर्सनु हुँदैन ।

आफ्ना उत्कृष्ट खेलाडी केलियन एमबाप्पेको सम्झौता नवीकरणको व्यवस्थापनमा चुकिरहँदा पीएसजीको आत्मसम्मानमा ठुलो आघात पुगेको छ । एक किसिमले फ्रेन्च च्याम्पियन घाइते छ । कतारी मालिकले आफ्नो अर्को महत्वकांक्षी सपना दिएर एम्बाप्पेलाई फकाउने प्रयास गरिरहेका छन् भने अर्कोतर्फ ‘फाइनान्सियल फेयर प्ले’ बिर्सने यूईएफएको रबैयाको अतिरिक्त फाइदा पीएसजीलाई छ । तर हालाण्डको प्राथमिकताको आधारमा सिटी र म्याड्रिड राम्रो अवस्थामा छन् ।

गत केही हप्तामा हालाण्डका एजेन्ट मिनो रायोलाले आफ्नो अत्यधिक मागलाई दोब्बर गरेर अन्तिम लिलामीलाई सक्रिय पारेका थिए । रायोला अब रहेनन् । यो ठ्याक्कै रियल मड्रिडले आफ्नो लागि देखेको एउटा ठूलो अवरोध हो । उनले आफ्नो खेलाडीका लागि तलब मात्रै ३० मिलियन नेट मागेका थिए । साथै सम्झौतामा हस्ताक्षर गर्दा आफुसँग र हालाण्डका बुबासँग सम्बन्धित केही सर्त पनि जोडेका थिए । प्रस्तावित रकमलाई रियल म्याड्रिडका निर्देशकले अस्विकार गर्ने पक्का जस्तै छ । स्ट्राइकरको शारीरिक अवस्थाबारे पनि केही शंका छन्, किनकी २१ वर्षको उमेरमा हालाण्ड १४ पटक घाइते भैसकेका छन् । यसै सिजनमा पनि तीन पटक । 

यो एउटा ‘अलर्ट टोन’ हो, जसले रियल मड्रिडलाई झस्काएको छ । रियल ग्यारेथ बेल, हाजार्डको चोट रेकर्डलाई ध्यानमा राख्दै यो सावधानी पूर्णतया बुझ्न सक्छ । क्लबलाई थाहा छ, चोटको कारणले असफल सुचिमा तेस्रो स्टार थप्न अब छुट छैन् । 

हालाण्ड दोधारमा छन् । 

विश्व फुटबलका महान प्रशिक्षक पेप ग्वार्डिओलाका लागि प्रिमियर लिगमा खेल्दै म्यानचेस्टर सिटीको लिजेण्ड बन्ने कि ईतिहास बोकेको रियल म्याड्रिडको हिस्सा हुने ? हाल्याण्डले यसलाई धेरै विचार गरिरहेका छन् । मड्रिडलाई विश्वास छ कि यदि अन्तिम निर्णय खेलाडीले गरेमा उसको सम्भावना बढ्ने छ । तर हालाण्डका बुवाले पैसाको कारण देखाएमा सम्भवतः उनी म्यानचेस्टर सिटी पुग्नेछन् । हुनपनि आफुले खेलिसकेको क्लबमा छोरालाई स्थापित गराउन उनलाई पनि ईच्छा हुनेछ । आखिर सिटी हालाण्डले बच्चा बेलामा नै भावना जोडेको क्लब हो ।

म्यानचेस्टरले हालैका हप्तामा यो सबै प्रयास आफ्नै तरिकाले मात्र गरेको छैन, ग्वार्डिओलाले हाल्याण्डसँग प्रत्यक्ष टेलिफोन वार्ता गरेर उनलाई आफ्नो टीमलाई गोल गर्न आवश्यक स्ट्राइकर हुन् भन्ने कुरामा विश्वस्त गराइसकेका छन् । त्यसबाहेक क्लब उनलाई एकदमै ठूलो तलब दिएर महङ्गो मुल्यमा अनुबन्ध गर्न इच्छुक छ ।

सिटीले डर्टमुन्डलाई रिलिज क्लज ७५ मिलियन तिर्ने अफर गरेको जुन शैली थियो, लाग्छ उसलाई जसरी पनि हालाण्ड चाहिएको छ । उसलाई नम्बर ९ को खाँचो छ । म्यानचेस्टर विश्वस्त छ, हालाण्ड आएपछि टिम पुरा हुनेछ । चाहे भविष्यमा हालाण्डले स्पेनमा खेल्ने आफ्नो इच्छा पूरा गर्न सक्ने सर्त मान्नु किन नपरोस् ।