फेडेररलाई हराउँदै जोकोभिच फाईनलमा

एजेन्सी । नोभाक जोकोभिच पेरिस मास्टर्सको फाईनलका प्रवेश गरेका छन् । रोजर फेडेररलाई हराउँदै जोकोभिचले प्रतियोगिताको फाईनल यात्रा तय गरेका हुन् । ४७ औ भेटमा सर्वियन खेलाडीले ७–६ (८–६) ५–७ ७–६ (७–३) को जित निकाले । उनले जित निकाल्न ३ घण्टा २ मिनेटको समय लगाए ।

'गत सोमबारमात्र विश्व नम्बर एक वरियतामा फर्किएका जोकोभिचले उपाधिका लागि करेन खाचानोभसंग प्रतिस्पर्धा गर्नेछन् । यो एक शानदार खेल थियो । उनीविरुद्ध मेरो प्रर्दशन करियरकै सर्वश्रेष्ठ मध्यको एक थियो ।' जितपछि उनले भने ।

३१ बर्षिया खेलाडी जोकोभिच पछिल्ला २२ खेलमा अपराजित छन् । उनले चार पटक पेरिस मास्टर्सको उपाधि जितेका छन् । आईतबारको खेलमा जित निकाले उनले राफेल नाडालको ३३ औ मास्टर्स उपाधि बराबरी गर्नेछन् ।