भक्तपुर जिल्ला फुटबल संघको निर्वाचन सर्यो

काठमाडौं । भक्तपुर जिल्ला फुटबल संघको निर्वाचन सरेको छ ।

भक्तपुर जिल्लाको निर्वाचन आज बुधबार हुने तय थियो ।

तर, निर्वाचनका लागि तयारी नपुगेको कारण वैशाख १० गतेसम्मको लागि निर्वाचन सारिएको छ ।

अखिल नेपाल फुटबल संघ (एन्फा) ले पठाएको पर्यवेक्षक उपेन्द्रमान सिंहले तयारी नपुगेको कारण निर्वाचन सरेको जानकारी गराए ।

'निर्वाचन समितिको तयारी नपुगेर मिति सारिएको हो,' उनले भने, 'अब १० गते हुन्छ ।'

अखिल नेपाल फुटबल संघ (एन्फा)को केन्द्रिय निर्वाचन असार ६ गते हुँदैछ । केन्द्रिय निर्वाचन अघि जिल्लाको निर्वाचन धमाधम भईरहेको छ ।

एन्फाको निर्वाचनमा ४५ जिल्ला संघले मताधिकार प्राप्त गर्ने छन् ।