आईपीएल : हैदरावाद र राजस्थान भिड्दै

काठमाडौं । इन्डियन प्रिमियर लिग (आईपीएल) टी-ट्वान्टी क्रिकेट आज मंगलबार एक  खेल हुँदैछ ।

आईपीएल अन्तर्गत मंगलबार सनराईजर्स हैदरवाद र राजस्थान रोयल्सबीच प्रतिस्पर्धा हुनेछ । दुई टोलीबीचको खेल ७:४५ बजे सुरु हुनेछ ।

पुनेमा आज दुबै टोली जित निकाल्दै सुखद सुरुआत गर्न चाहन्छ । त्यसैले खेल रोमान्चक हुने अनुमान गरिएको छ ।

पछिल्लो पाँच भेटमा राजस्थानले तीन खेल जितेको छ । हैदरावादले दुई खेल जितेको छ ।  गत संस्करण दुबै टोलीले एक एक खेल जितेका थिए ।

यस पटकको आईपीएलमा १० टोलीले प्रतिस्पर्धा गरिरहेका छन् । यस अघि आठ टोलीले खेल्दै आएका थिए ।