नवप्रवेशी गुजरातको विजयी सुरुआत

काठमाडौं । नवप्रवेशी टोली गुजरात टाइटन्सले इन्डियन प्रिमियर लिग (आईपीएल) टी-ट्वान्टी क्रिकेटमा विजयी सुरुआत गरेको छ ।

सोमबार भएको खेलमा अर्को नयाँ टोली लखनउ सुपर जाइन्टलाई ५ विकेटले हराउँदै गुजरातले सुखद सुरुआत गरेको हो ।

वान्खडे स्टेडियममा लखनउले दिएको १ सय ५९ रनको लक्ष्य पछ्याएको गुजरातले १९ ओभर ४ बलमा ५ विकेट गुमाएर पूरा गर्यो ।

गुजरातको जितमा राहुल टेवाटियाले अविजित रहदै सर्वाधिक ४० रन बनाए ।

यस्तै कप्तान हार्दिक पान्डयले ३३ रन जोड्दा डेभिड मिलर र म्याथ्यु वेडले ३०/३० रन बनाए ।

अभिनव मनोहरले अविजित १५ रन बनाए  ।

लखनउका दुश्मन्था चामिराले २ विकेट लिए ।

यस अघि पहिले ब्याटिङ गरेको लखनउले २० ओभरमा ६ विकेट गुमाएर १ सय ५८ रन जोडेको थियो ।  

लखनउका लागि दिपक होडाले ५५ रनको इनिङ खेल्दा आयुस बाडोनीले ५४ रनको अर्धशतकीय इनिङ खेले । कुर्नाल पाण्डले अविजित २१ रन जोडे ।

गुजरातका मोहमद शामीले ३ तथा आरोन ब्ररुणले २ विकेट लिए ।

जितसँगै गुजरातले पहिलो खेलमै महत्वपूर्ण २ अंक जोडेको छ  ।