मार्क उडको शल्यक्रिया

काठमाडौं । इंग्ल्यान्डका फास्ट बलर मार्क उडको चोटको शल्यक्रिया गरिएको छ ।

इंग्ल्यान्ड एण्ड वेल्स क्रिकेट बोर्डले मार्कको दाहिने कुहिनाको चोटको शल्यक्रिया गरिएको जनाएको छ ।

वेस्ट इन्डिजविरुद्धको पहिलो टेस्ट दौरान उनले चोट बोकेका थिए ।

चोटकै कारण उनले सिरिजको बाँकी खेल गुमाएका थिए ।

यस्तै उनले इन्डियन प्रिमियर लिग (आईपीएल) टी-ट्वान्टी क्रिकेट समेत गुमाए  ।

मार्क आईपीएलको नयाँ टोली लखनउ सुपर जाइन्ट्समा अनुबन्धित भएका थिए ।