पन्जाबको विजयी सुरुआत

काठमाडौं । पन्जाब किङ्सले इन्डियन प्रिमियर लिग (आईपीएल) टी-ट्वान्टी क्रिकेटमा विजयी सुरुआत गरेको छ ।

आइतबार भएको खेलमा रोयल च्यालेन्जर्स बैंगलोरलाई ५ विकेटले हराउँदै पन्जाबले सुखद सुरुआत गरेको हो ।

बैंगलोरले दिएको २ सय ६ रनको लक्ष्य पन्जाबले १९ ओभरमा ५ विकेट गुमाएर पूरा गर्यो  ।

पन्जाबका लागि शिखर धवन र भानुका राजपाक्षले समान ४३ रन जोड्दा कप्तान मायांक अग्रवाल ३२ रनमा आउट भए । लियाम लिभिङस्टोन १९ रनमा आउट भए ।

ओडिन स्मिथ २५ रनमा अविजित रहदा साहरुख खान २४ रनमा अविजित रहे ।

बैंगलोरका मोहमद सिराजले २ विकेट लिए ।

यस अघि पहिले ब्याटिङ गरेको बैंगलोरले २० ओभरमा २ विकेट गुमाएर २ सय ५ रन बनाएको थियो ।

बैंगलोरका लागि कप्तान फाप डु प्लेसिसले ८८ रनको अर्धशतकीय इनिङ खेले ।

विराट कोहलीले अविजित ४१ रन जोड्दा दिनेश कार्तिकले अविजित ३२ रन बनाए । अनुज रावत २१ रनमा आउट भए।

पन्जाबका अर्शदिप सिंह राहुल चाहरले १-१ विकेट लिए ।

जितसँगै पन्जाबले पहिलो खेलमा २ अंक जोडेको छ ।

बैंगलोरले हारबाट प्रतियोगिताको सुरुआत गरेको छ ।