काठमाडौं । स्पेनिस राफायल नाडाल इन्डियन वेल्स टेनिसको क्वाटरफाइनलमा प्रवेश गरेका छन् ।
बुधबार राति भएको खेलमा अमेरिकी खेलाडी रिली ओपेल्कालाई हराउँदै नाडालले अन्तिम आठको यात्रा तय गरेका हुन्।
३५ वर्षीय नाडालले ओपेल्कामाथि ७-६(७-३) र ७-६ (७-५) ले हराए ।
अब नाडालले अन्तिम आठमा अष्ट्रेलियाका निक क्रिगोससँग खेल्ने छन् ।
२०२२ मा नाडालको यो लगातार १८ औं जित हो ।
कीर्तिमानी २१ औं पटकको ग्रान्डस्लाम विजेता नाडालले २०२२ मा हार व्यहोरेका छैनन् ।
