हेटौडा । प्रथम बागमतीे प्रदेश खेलकुद प्रतियोगिताको शनिबार उद्घाटन भएको छ ।
हेटौंडास्थित पिप्ले क्याम्पा रंगशालामा मुख्य मन्त्री राजेन्द्र पाण्डेले ओलम्पियन बैकुण्ठ मानन्धरलाई ओलम्पिक ट्रर्च हस्तान्तर गरे पछि १५ दिने प्रतियोगिताको विधिवत उद्घाटन भएको हो ।
उद्घाटनका अवसरमा मुख्य मन्त्री पाण्डेले प्रदेश खेलकुदको उद्घाटन गर्न अवसर मिलेको गौरवको अनुभूति भएको बताए ।
मुख्य मन्त्री पाण्डेले हेटौडामा खेलकुद एकेडेमी संचालन तथा् खेलकुद विश्वविद्यालयका स्थापनका लागि पहल कदमी लिने बताए ।
नेपाल ओलम्पिक कमिटिका अध्यक्ष जिवनराम श्रेष्ठले संघीय ढाचामा गए पश्चात ऐतिहासिक प्रतियोगिता भएको धारण राख्दै प्रदेश स्तरमा प्रतिभावन खेलाडी उत्पादन हुन विश्वास ब्यक्त गरे । उनले खेलकुदको लगानी राष्ट्रिय गौरव र एकताको लागि भएको धारणा व्यक्त गरे ।
प्रदेश खेलकुद विकास परिषद्का सदस्य सचिव सुर्यलाल भण्डारीले प्रदेश सरकारको सहयोग र सक्रियतालाई हार्दिक आभार ब्यक्त गदै भने, 'प्रत्येक बर्ष प्रदेश खेलकुद गरेर बागमती प्रदेशलाई शसक्त बनाउने उद्देश्य लिएका छौं । अब खेलाडी घाईते भएर सहयोगका लागि टाउको निर्याउनु पर्ने अवस्था आउने छैन । प्रतियोगिताका दौरान खेलाडी घाईते भएमा जिम्मेवारी हामीले लिने छौं ।'
कार्यक्रम युवा तथा खेलकुद मन्त्री रत्नप्रसाद ढकालको अध्यक्षतामा संचालन भएको थियो ।
उद्घाटन कार्यक्रममा नेपाल आर्मी, नेपाल प्रहरीको व्याण्ड सहितको प्रस्तुती, विद्यार्थीहरुद्धारा ड्रिल प्रदर्शन, अतिसबाजी, तेक्वान्दोको प्रदर्शनी, विभिन्न तामाङ, नेवाः, थारु समुदायले आफ्नो झाँकी तथा खैजेडी र पञ्चेबाजाको साँस्कृतिक कार्यक्रमहरु प्रदर्शन गरिएको थियो ।
बागमती प्रदेशका १३ जिल्लाको सहभागिता रहको प्रतियोगितामा एथलेटिक्स, फुटबल, भलिबल, कराते, तेक्वान्दो, ब्याडमिन्टन, क्रिकेट र बक्सिङ खेलका १ हजार ८ सय खेलाडीले प्रतिस्पर्धा गर्ने छन् ।
एथलेटिक्सका महिला ११७ पुरुष १४३ ,फुटबलमा महिला १८० पुरुष २३४ खेलाडी रहेका छन् ।
भलिबलमा महिला÷पुरुष समान १२२ खेलाडी रहेका छन् । करातेका महिला ९१,पुरुष ११६,तेक्वान्दो ११४,पुरुष १२१ खेलाडीहरुले आ–आफ्नो तौल समूहमा प्रतिस्पर्धा गर्ने छन् ।
त्यसैगरी ब्याडमिन्टनमा ४४ महिला ७२ पुरुष,क्रिकेटमा ४२ महिला १६८ पुरुष र बक्सिङमा २८ महिला र ८६ पुरुष खेलाडी रहेका छन् ।
प्रतियोगितालाई भब्य सम्पन्न गर्न बागमती प्रदेश युवा तथा खेलकुद मन्त्री रत्नप्रसाद ढकालको संयोजकत्वमा मूल आयोजक समिति गठन गरिएको छ ।
प्रदेश खेलकुद विकास परिषद्,बागमतीका सदस्य–सचिव महासचिव रहेको मूल आयोजक कमिटिले बिभिन्न ५ वटा उपसमिति गठन गरेको छ ।
समारोह तथा प्रचार प्रचार उपसमितिका संयोजकमा रेसलर हिक्मत थपलिया रहेका छन् । बसोबास तथा यातायात उपसमितिको संयोजकमा धनकुमार मैनाली,पुरस्कार शिल्डमेडल तथा पोशाक उपसितिको संयोजकमा निरवहादुर थापा,स्वास्थ्य उपसमितिको संयोजकमा सपना लामा र सुरक्षा उपसमितिको संयोजकमा डिएसपी खड्ग खत्री रहेका छन् ।
८ खेलका ८ वटा प्राविधिक समिति पिप्ले क्याम्पा रंगशालामा फुटबल र थानाभर्याङ कभर्डहलमा ब्याडमिन्टका खेल फाल्गुन २९ देखि शुरु हुने छन् । फाल्गुन ३० देखि चितवनको माडी खेल मैदानमा महिला तथा पुरुष भलिबल र गौतमबुद्ध अन्तर्राष्ट्रिय क्रिकेट मैदानमा महिला तथा पुरुष क्रिकेटका खेलहरु संचालन हुने छन् । हेटौडाको भुटनदेवी स्कुलमा चैत्र ५ देखि तेक्वान्दो हुने छ ।
त्यस्तै काठमाण्डौको दशरथ रंगशालामा चैत्र ६ देखि एथ्लेटिक्स तथा सिन्धुपालञ्चोकमा चैत्र ७ गते देखि कराते शुरु हुनेछ ।
काभ्रेको धुलीखेल फुटबल मैदानले समापन सहित दुई खेलको आयोजना गर्ने अवसर प्राप्त गरेको छ । महिला फुटबल चैत्र ७ देखि बक्सिङ चैत्र ९ देखि शुरु हुने छ प्रतियोगिताको समापन चैत्र १२ गते हुनेछ ।
प्रतियोगितामा ८ करोड ४ लाख खर्च हुने अनुमान गरिएको प्रदेश खेलकुद विकास परिषद्का सदस्य सचिव सुर्यलाल भण्डारीले जानकारी गराएका छन् । प्रतियोगितामा प्रथम, द्धितीय र तृतीय हुनेलाई नगद, शिल्ड र प्रमाणपत्र प्रदान गरिनेछ र प्रत्येक खेलाडीको बिमाको पनि व्यवस्था गरिएकोे छ ।
-1732620977.jpg)
