मिलान बराबरीमा रोकियो

काठमाडौं । इटालियन सिरी ए फुटबलमा शीर्ष स्थानको एसी मिलान बराबरीमा रोकिएको छ ।

शुक्रबार राति भएको खेलमा मिलानले उडीनेजेसँग १-१ गोलको बराबरी खेलेको हो ।

घरेलु मैदानमा सुरुआती अग्रता जोगाउन नसक्दा मिलान रोकिएको हो ।

खेलको २९ औं मिनेटमा राफायल लियोले गोल गर्दै मिलानलाई अग्रता दिलाएका थिए ।

तर, खेलको ६६ औं मिनेटमा डेस्टिननी उडोगियोले गोल गर्दै उडीनेजेलाई १-१ गोलको बराबरीमा ल्याएका थिए ।

यस बराबरीसँगै मिलानले २७ खेलमा ५७ अंक जोडेको छ ।

मिलान शीर्ष स्थानमा रहेको छ ।

उडीनेजे २६ अंक जोडेर १४ औं स्थानमा रहेको छ ।