एन्फाको विशेष साधारण सभा स्थगित

काठमाडौं । अखिल नेपाल फुटबल संघ (एन्फा) को विशेष साधारण सभा स्थगित भएको छ ।

एन्फाले प्राविधिक कारण देखाउदै फागुन आठ गते (आइतबार) तय गरेको विशेष साधारण सभा स्थगित गरेको हो ।

एन्फाका महासचिव इन्द्रमान तुलाधरले प्राविधिक कारण विशेष साधारण सभा स्थगित गरिएको जानकारी गराए ।

उनले फिफा र एएफसीले निर्वाचन निर्देशिकाको विषयमा टिप्पणी गरेको र त्यसलाई सुधार गरेपछि नयाँ विशेष साधारण सभाको मिति तोकिने समेत बताए ।

'प्राविधिक कारण स्थगित गरिएको हो । तर, फिफा र एएफसीबाट निर्वाचन निर्देशिकामा टिप्पणीहरु आएको छ । त्यसलाई सुधार गरेर अर्को हप्ता नयाँ मिति तोकिनेछ,' महासचिव तुलाधरले भने ।