बक्सिङ संघको साधारणसभा भोलि

काठमाडौं  । नेपाल बक्सिङ संघको नियमित साधारणसभा भोलि शनिबार हुने भएको छ ।

संघले शुक्रबार एक विज्ञप्ति निकाल्दै साधारणसभा ललितपुरको हात्तीवनस्थित क्लासिक बैन्क्विटमा हुने जनाएको छ ।

संघको विधान २०६४ परिच्छेद ३ धारा  ११ को उपधारा १ (ग) र सोहि विधानको परिच्छेद ९ को धारा २४ को उपधारा १ बमोजिम नियमित  साधारणसभा डाकिएको संघले जनाएको छ ।

कोरोना भाइरसको नयाँ भेरियन्ट ओमिक्रोनको कारणले राज्यले काठमाडौं उपत्यकामा स्मार्ट लकडाउन गरेको कारण साधारणसभा भर्चुअल भिडियो मार्फत हुने संघले जनाएको छ ।

यस्तै संघले संघका एक–दुई जना सदस्यले साधारणसभा रोकि पाउँ भनी विना प्रमाण मनगणन्ते कुराहरु राखी गरेको उजुरी प्रति संघको गम्भीर ध्यानाकर्षण भएको जनाएको छ ।