नेपालगन्ज । सरोवर प्रसाईको अध्यक्षतामा बाँके जिल्ला क्रिकेट संघ गठन भएको छ । प्रसाई सहितको १५ सदस्यीय टोली निर्विरोध निर्वाचित भएका हुन् ।
सोमबार भएको साधारण सभामा संघको उपाध्यक्षमा सुफियान खान पठान, सचिवमा विक्रम कुमार श्रेष्ठ र कोषाध्यक्षमा राजेन्द्र मानन्धर निर्वाचित भएका हुन् ।
त्यस्तै संघको सदस्यमा ठग प्रसाद न्यौपाने, पार्वती मल्ल हमाल, इनामुदिन हलवाई, इर्फान हुसेन सैयद, इरफान खान, मनमोहन लम्साल, सुनिल सिंह हमाल, संजयराज सिंह, दुर्गा बहादुर थापा र मंजुल रहेका छन् ।
नव निर्वाचित संघको पहिलो बैठक आजनै बसको थियो । संघका नवनिर्वाचि अध्यक्ष प्रसाइले बाँके जिल्लामा क्रिकेट विकासको योजनालाई आफ्नो कार्यकालमा अझै द्रुत गतिमा लैजाने बताएका छन् ।
उनले भने, ‘मैले बाँके जिल्लाको क्रिकेटको विकासलाई अझै नयाँ गतिले लैजाने छु । जिल्ला स्तिरिय क्रिकेट गतिविधिलाई मैले मुख्य प्रथामिकतामा राखेको छु । सबैलाई समेटेर जाने मरो योजनाछ हेरौं कस्तो हुनेछ ।’
