बंगलादेशविरुद्ध नेपाल बलिङमा
काठमाडौं । एसीसी यू-१९ एसिया कप क्रिकेटको पहिलो खेलमा नेपालले अहिले बंगलादेशविरुद्ध प्रतिस्पर्धा गर्दैछ ।
सारजाह क्रिकेट मैदानमा नेपालले टेस्ट राष्ट्र बंगलादेशविरुद्ध सुरुआतमा बलिङ गर्ने भएको छ ।
बंगलादेशले टस जितेर पहिले ब्याटिङ जोज्दै नेपाललाई फिल्डिङको निम्तो दिएको छ ।
नेपाल आज बंगलादेशलाई हराएर सुखद सुरुआतको योजनामा रहेको छ । तर, नेपाललाई जित निकाल्न सहज छैन ।
बंगलादेश पनि नेपाललाई हराएर विजयी सुरुआत गर्न चाहन्छ ।
पछिल्लो चार भेटमा नेपालले बंगलादेशलाई हराउँन सकेको छैन ।
समूह बी मा रहेको नेपालले दोस्रो खेल श्रीलंकाविरुद्ध डिसेम्बर २६ मा खेल्नेछ ।
नेपालले समूह चरणको अन्तिम खेल कुवेतविरुद्ध डिसेम्बर २८ मा खेल्नेछ ।
दुबै समूहबाट शीर्ष दुई टोली सेमिफाइनलमा प्रवेश गर्नेछन् ।
दुबै सेमिफाइनल डिसेम्बर ३० मा हुनेछ ।
फाइनल भने जनवरी १ मा हुने तालिका रहेको छ ।
