यू-१९ एसिया कप : नेपालले बंगलादेशको सामना गर्दै

काठमाडौं । युएईमा आयोजना भईरहेको एसीसी यू-१९ एसिया कप क्रिकेटको पहिलो खेलमा नेपालले आज शुक्रबार बंगलादेशसँग प्रतिस्पर्धा गर्दैछ ।

नेपालले टेस्ट राष्ट्र बंगलादेशसँग सारजाह क्रिकेट मैदानमा खेल्नेछ । नेपाल र बंगलादेशबीचको खेल बिहान ११:१५ बजे सुरु हुनेछ ।

नेपाल आज बंगलादेशलाई हराएर सुखद सुरुआतको योजनामा रहेको छ । तर, नेपाललाई जित निकाल्न सहज छैन ।

बंगलादेश पनि नेपाललाई हराएर विजयी सुरुआत गर्न चाहन्छ ।

पछिल्लो चार भेटमा नेपालले बंगलादेशलाई हराउँन सकेको छैन ।

समूह बी मा रहेको नेपालले दोस्रो खेल श्रीलंकाविरुद्ध डिसेम्बर २६ मा खेल्नेछ ।

नेपालले समूह चरणको अन्तिम खेल कुवेतविरुद्ध डिसेम्बर २८ मा खेल्नेछ ।

दुबै समूहबाट शीर्ष दुई टोली सेमिफाइनलमा प्रवेश गर्नेछन् ।

दुबै सेमिफाइनल डिसेम्बर ३० मा हुनेछ । 

फाइनल भने जनवरी १ मा हुने तालिका रहेको छ ।