काठमाडौं । प्रदेश नम्बर २ ले पीएम कप राष्ट्रिय महिला क्रिकेट प्रतियोगितामा पहिलो जित निकालेको छ ।
फाप्ला क्रिकेट मैदानमा बुधबार गण्डकी प्रदेशलाई ७ विकेटले हराउँदै प्रदेश २ ले पहिलो जित निकालेको हो ।
गण्डकीले दिएको ४० रनको सामान्य लक्ष्य प्रदेश २ ले १० ओभर ३ बलमा ३ विकेट गुमाएर पूरा गर्यो ।
प्रदेश २ को जितमा साना प्रविनले १३ तथा अनुराधा चौधरीले १२ रन जोडिन । मेलिना रायमाझी ५ रनमा अविजित रहिन् ।
गण्डकीका सिला क्षेत्रीले १ विकेट लिईन् ।
यस अघि पहिले ब्याटिङ गरेको गण्डकी १७ ओभर १ बलमा अलआउट हुँदै ३९ रनमा समेटिएको थियो ।
गण्डकीका लागि अन्जली विश्वकर्माले १५ रन जोडिन ।
गण्डकीलाई सस्तैमा समेट्न प्रदेश २ का सन्तोषी चौधरीले ३ तथा अनुराधा चौधरीले २ विकेट लिईन ।
यस जितसँगै प्रदेश २ ले २ खेलमा २ अंक जोडेको छ ।
समूह बीमा प्रदेश २ दोस्रो स्थानमा रहेको छ ।
लगातार दुई हार व्यहोरेको गण्डकी अंक विहीन रहदै पुछारमा रहेको छ ।
