काठमाडौं । पाकिस्तान भ्रमणमा रहेको वेस्ट इन्डिजका थप पाँचजनामा कोभिड–१९ पोजेटिभ देखिएको छ ।
खेलाडीहरु शाई होप, अकेल होसेन र जस्टीन ग्रिभ्ससहित टिम फिजिसियन अक्साई मानसिंह तथा सहायक प्रशिक्षक रोडी इस्टविकलाई कोरोना पोजेटिभ देखिएको हो ।
यससँगै पाकिस्तान आएको वेस्ट इन्डिजका ९ जनाको कोरोना देखिएको छ ।
तीनैजना खेलाडी बाँकी सबै खेल गुमाउने भएका छन् साथै १० दिन आईसोलेसनमा बस्नुपर्नेछ ।
जसले गर्दा पाकिस्तान र वेस्ट इन्डिजबीचको क्रिकेट सिरिज हुनेमा आशंका उत्पन्न भएको छ ।
पाकिस्तान र वेस्ट इन्डिजबीच तीन मध्ये अन्तिम टी–ट्वान्टी खेल आज बिहीबार हुने तालिका रहेको छ भने तीन एकदिवसिय सिरिज पनि बाँकी रहेको छ ।
सबै सदस्यको फेरी परिक्षणपछि थप निर्णय लिइने बताइएको छ ।
