काठमाडौं । नेपाली लेग स्पिनर सन्दीप लामिछाने आबद्द होबार्ट हरिकेन्सले बिग बास लिग (बीबीएल) टी-ट्वान्टी क्रिकेटमा अहिले पर्थ स्कोचर्सविरुद्ध प्रतिस्पर्धा गरिरहेको छ ।
होबार्टमा टस जितेर पर्थले सुरुआतमा ब्याटिङ गरिरहेको छ ।
पर्थविरुद्ध फिल्डिङमा रहेको होबार्टका सन्दीपले १ विकेट लिएका छन् ।
सन्दीपले आफ्नो पहिलो ओभरको पहिलो बलमै विकेट लिएका हुन् ।
उनले पर्थका जोश इंग्लिसलाई २ रनमा आउट गरे ।
सन्दीपले ४ ओभर बलिङ गर्दै १ विकेट लिएर ३२ रन खर्चिए ।
सन्दीपले हालसम्म बिग बासको तीन खेलमा २ विकेट हात पारेका छन् ।
सन्दीपले लगातार दोस्रो सिजन होबार्टबाट खेलिरहेका हुन् ।
सन्दीपले गत सिजन होबार्टका लागि ८ खेल खेल्दै ८ विकेट लिएका थिए ।
त्यसअघि सन्दीपले मेलबर्न स्टार्सबाट बिग बास लिग खेलेका थिए । सन्दीप बिग बास लिग खेल्ने पहिलो नेपाली खेलाडी हुन् ।
-1737598157.jpeg)
-1737596730.jpeg)
-1737595553.jpeg)
