यू-१९ एसिया कप : नेपालको पहिलो प्रतिद्वन्दी बंगलादेश

काठमाडौं । एसीसी यू–१९ एसिया कपको पहिलो खेलमा नेपालले बंगलादेशको सामना गर्ने भएको छ । खेल ५० ओरभको हुनेछ । 

समूह ‘बी’ अन्तर्गत नेपाल र बंगलादेशबीचको खेल युनाईटेड अरब इमिरेट्सको शारजाहमा डिसेम्बर २३ तारिखमा हुने भएको छ । 

समूह ‘बी’ मा नेपालसँगै बंगलादेश, श्रीलंका र कुवेत रहेका छन् ।

समूह ‘ए’ मा भने आयोजक युएई, भारत, पाकिस्तान र अफगानिस्तान रहेका छन् ।

प्रतियोगिता अन्तर्गत नेपालले दोस्रो खेल श्रीलंकाविरुद्ध डिसेम्बर २६ मा खेल्नेछ । 

नेपालले समूह चरणको अन्तिम खेल कुवेतविरुद्ध डिसेम्बर २८ मा खेल्नेछ ।

दुबै समूहबाट शीर्ष दुई टोली सेमिफाइनलमा प्रवेश गर्नेछन् ।

दुबै सेमिफाइनल डिसेम्बर ३० मा हुनेछ ।  

फाइनल भने जनवरी १ मा हुने तालिका रहेको छ ।