युनाईटेड समूह विजेता

काठमाडौं । च्याम्पियन्स लिग फुटबल अन्तर्गत समूह चरणको अन्तिम खेलमा म्यानचेस्टर युनाईटेड बराबरीमा रोकिएको छ ।

बुधबार राति भएको खेलमा युनाईटेडले स्विस क्लब योङ बोइजसँग १-१ गोलको बराबरी खेलेको हो ।

घरेलु मैदानमा नवौं मिनेटमा मासन ग्रीनउडले गोल गर्दै युनाईटेडलाई सुरुआती अग्रता दिलाएका थिए ।

तर, खेलको ४२ औं मिनेटमा फाबियन  राइडरले गोल गर्दै योङ बोइजलाई १-१ गोलको बराबरीमा फर्काए ।

योङविरुद्ध बराबरीमा रोकिएपनि युनाईटेड समूह विजेता बन्दै नकआउट चरणमा पुगेको छ ।

समूह एफको युनाईटेडले ६ खेलमा ११ अंक जोड्यो ।

योङ ४ अंक जोडेर समूहको पुछारमा रह्यो ।