काठमाडौं । लेग स्पिनर सन्दीप लामिछाने सम्मिलित होबार्ट हरिकेन्सले अष्टे«लियाको बिग बास लिग (बीबीएल)को पहिलो खेलमै पराजय भोगेको छ ।
बुधबार भएको खेलमा होबार्टले सिड्नी सिक्सर्सविरुद्ध १४ रनको पराजय भोगेको हो ।
१ सय ४५ रनको लक्ष्य पछ्याएको होबार्टले निर्धारित २० ओभरमा ८ विकेट गुमाएर केवल १ सय ३० रन जोड्न सक्यो ।
होबार्टका लागि पिटर ह्यान्डकमले सर्वाधिक ४७ रन जोडे ।
लामिछानेले भने ब्याटिङ गरेनन ।
सिक्सर्सलाई जित दिलाउन टम कुरानले सर्वाधिक ३ विकेट हात पारे ।
हायडेन केरले दुई विकेट हात पारे ।
यस अघि टस हारेर पहिले ब्याटिङ गरेको सिक्सर्सले ९ विकेट गुमाएर १ सय ४४ रन जोडेको थियो ।
उसका लागि कप्तान मोइसेस मेनरिकले सर्वाधिक ७३ रनको योगदान गरे ।
होबार्टका लागि थोमस रोजर्सले सर्वाधिक तीन विकेट हात पार्दा नथन इलिसले दुई विकेट लिएका थिए ।
लामिछाने, जोएल पेरिस र टिम डेभिडले एक–एक विकेट लिए ।
-1737598157.jpeg)
-1737596730.jpeg)
-1737595553.jpeg)
