इंग्ल्यान्ड १४७ मा अलआउट 

काठमाडौं । अष्ट्रेलियाविरुद्धको पहिलो टेस्ट क्रिकेटको पहिलो इनिङ्समा इंग्ल्यान्ड १ सय ४७ रनमा अलआउट भएको छ । 

एसेस क्रिकेट सिरिज अन्तर्गतको पहिलो टेस्ट बुधबारबाट ब्रिसबेनमा सुरु भएको छ । 

वर्षाका कारण प्रभावित खेलमा टस जितेर पहिले ब्याटिङ गरेको इंग्ल्यान्डले ५० दशमलब १ ओभरमा अलआउट हुदै १ सय ४७ रन जोडेको हो । 

इंग्ल्यान्डका लागि जोस बटलरले सर्वाधिक ३९ रन जोडे ।

ओली पोप ३५ तथा हसिव हमिद २५ रनमा आउट भए । 

अष्ट्रेलियाका कप्तान प्याट कमिङसले सर्वाधिक ५ विकेट हात पारे । कमिङसको कप्तानीको यो पहिलो टेस्ट हो । 

मिचेल स्टार्क र जोस ह्याजलउडले समान दुई–दुई विकेट लिए । क्यामरोन ग्रिनले एक विकेट हात पारे । 

वर्षाका कारण खेल स्थगित भएपछि अष्ट्रेलियाले पहिलो दिन ब्याटिङ गर्न पाएन ।

अष्ट्रेलिया र इंग्ल्यान्डबीच पाँचवटा टेस्ट खेल हुनेछ ।