हेटौडा । मकवानपुर जिल्ला हक्की संघले नयाँ कार्यसमिति चयन गरेको छ ।
हेटौडामा शनिबार सम्पन्न अधिवेसनले प्रताप सिंह क्षेत्रीको अध्यक्षतामा ११ सदस्सीय कार्यसमिति चयन गरेको हो ।
समितिले १ सदस्य भने बैठक पश्चात मनोनयन गर्नेछ ।
संघको प्रथम उपाध्यक्षमा शनत कुमार खनाल, द्वितीय उपाध्यक्षमा ओम प्रकाश पाण्डे, सचिवमा साजन कुमार शर्मा, कोषाध्यक्षमा मो. फिरोज खान र सदस्यहरुमा सुदिरा देवी पौडेल, निरन्जन ढुंगाना, निकिता बस्नेत, विकास दंगाल र राजु अधिकारी चयन भएका छन । समितिको कार्यकाल आगामी ३ वर्षका लागि हुनेछ ।
नेपाल हक्की संघका केन्द्रिय सदस्य तथा वागमती प्रदेशका संयोजक मनोज कुमार शर्माको अध्यक्षतामा सम्पन्न अधिवेसनमा राष्ट्रिय महिला तथा पुरुष हक्की खेलाडीहरुको पनि सहभागिता रहेको थियो ।
गठन पश्चात नै कार्यसमितिको पहिलो बैठक समेत बसेको छ । बैठकले नेपाल हक्की संघको आयोजना तथा मकवानपुर जिल्ला हक्की संघको सह आयोजनामा हेटौडामा हुने चौथो साहाना प्रधान स्मृती राष्ट्रिय महिला हक्की प्रतियोगिताको तयारीको सुरुवात गरेको छ ।
-1731292263.jpg)
-1732590134.webp)
