एजेन्सी । सर्बियन टेनिस स्टार नोभाक जोकोभिचले सांघाई मास्टर्स टेनिसको उपाधि जितेका छन् ।
आइतबार भएको फाइनलमा क्रोएसियाका बोर्ना कोरीचलाई हराएर जोकोभिच च्याम्पियन बनेका हुन् ।
चीनको सांघाईमा भएको फाइनलमा दोस्रो वरीयताका जोकोभिचले १३ औं वरीयताका कोरीचलाई ६ - ३ र ६ - ४ को सेटमा हराए ।
यसअघि जोकोभिचले सेमिफाइनलमा जर्मनीका एलेक्जेन्डर जेभरेभलाई ६ - २ र ६ - १ को सेटमा हराएर फाइनल यात्रा तय गरेका थिए ।
यस्तै कोरीचले शीर्ष वरीयताका स्विस टेनिस स्टार रोजर फेडेररलाई ६ - ४ र ६ - ४ को सेटमा पराजित गरेका थिए ।
