बंगलादेशको टिम घोषणा

काठमाडौं । पाकिस्तानविरुद्धको पहिलो टेस्टका लागि बंगलादेशले टिम घोषणा गरेको छ ।

बंगलादेश क्रिकेट बोर्डले पहिलो टेस्टका लागि मोमिनुल हकको कप्तानीमा टिम घोषणा गरेको हो ।

बंगलादेशले घोषणा गरेको टिममा ममुदुल हसन रोय र रहमान राजा पहिलो पटक परेका छन् ।

बंगलादेश भ्रमणमा रहेको पाकिस्तान र घरेलु टिमबीचको पहिलो टेस्ट नोभेम्बर २६ मा सुरु हुनेछ ।

पाकिस्तानले बंगलादेशविरुद्धको टी-ट्वान्टी सिरिज भने क्लिन स्विप गरिसकेको छ ।