एजेन्सी । शीर्ष वरीयताका स्विस टेनिस स्टार रोजर फेडेरर सांघाई मास्टर्स टेनिसको सेमिफाइनलबाट बाहिरिएका छन् ।
शनिबार राति भएको सेमिफाइनलमा क्रोएसियाका बोर्ना कोरीचसंग पराजित हुँदै फेडेरर प्रतियोगिताबाट बाहिरिएका हुन् ।
साविकको बिजेता समेत रहेका फेडेररलाई १३औं वरीयताका कोरीचले ६ - ४ र ६ - ४ को सोझो सेटमा पराजित गरे ।
अब कोरीचले फाइनलमा पूर्व नम्बर एक सर्बियन नोभाक जोकोभिचसंग खेल्नेछन् ।
जोकोभिचले सेमिफाइनलमा जर्मनीका एलेक्जेन्डर जेभरेभलाई ६ - २ र ६ - १ ले हराए ।
