सहिद स्मारक 'ए' डिभिजन लिगको फेन्टासी लिग

काठमाडौं । स्पेल इनोभेसन प्रालीले नेपालको प्रथम श्रेणीको सहिद स्मारक 'ए' डिभिजन लिगको फेन्टासी प्रिमियर लिग र प्रेडिक्सन प्रतियोगिता आयोजना गर्ने भएको छ।

नेपालमा ‘फ्यान्टसी फुटबल’ को लोकप्रियता बढिरहदा प्रालीले 'ए' डिभिजन लिगको फेन्टासी प्रिमियर लिग आयोजना गरेको हो ।

स्पेल इनोभेसनले यो सिजनको लागि दर्ता प्रक्रिया आजबाट खुलेको जनाएको छ । सहभागीहरुले लिगनेपाल डटकममा गएर आफ्नो टोली दर्ता गर्न सक्नेछन् ।

फेन्टासीको बिजेताले १० हजार र राष्ट्रिय टोलीको मर्चनडाइज र हरेक हप्ताको बिजेताले रुपैया एक हजार र जर्सी प्राप्त गर्नेछन् । मासिक बिजेताहरुले पनि आकर्शक उपहार प्राप्त गर्नेछन् । 

साथै साइटमा ए डिभिजन लिगको सबै नतिजा र डेटाहरु हेर्न सकिने बताईएको छ ।