काठमाडौं । नेपाल क्रिकेट संघ (क्यान) का पदाधिकारीले अर्थमन्त्री जनार्दन शर्मासँग भेटवार्ता गरेका छन् ।
कार्यवाहक सचिव प्रशान्त बिक्रम मल्ल, कोषाध्यक्ष रोशनकुमार सिंह र केन्द्रीय सदस्य दुर्गाराज पाठकले आइतबार अर्थमन्त्रीसँग भेट गरेको क्यानले जनाएको छ ।
भेट दौरान क्यानका पदाधिकारीले टियु क्रिकेट मैदानमा फ्लड लाइट जडान गर्ने योजनाको प्रस्ताव अर्थमन्त्रीसामु राखेका थिए ।
अर्थमन्त्री शर्माले फ्लड लाइट जडानका लागि मन्त्रालयबाट पूर्ण सहयोग गर्ने आश्वासन दिएको क्यानले जनाएको छ ।
