काठमाडौं । युएई र ओमानमा जारी आईसीसी टी–ट्वान्टी विश्वकप अन्तर्गत आज शनिबार दुई खेल हुँदैछ ।
आजबाट विश्वकपका सुपर १२ का खेलहरु सुरु हुनेछ । आज समूह १ को दुई खेलहरु हुनेछन् ।
आबुधाबीमा हुने पहिलो खेलमा अष्ट्रेलिया र दक्षिण अफ्रीकाबीच प्रतिस्पर्धा हुनेछ । खेल नेपाली समय अनुसार अपरान्ह ३:४५ बजे सुरु हुनेछ ।
आज दुबै टिम जित निकाल्दै सुखद सुरुआत गर्ने योजनामा हुने छन् ।
यस्तै दोस्रो खेलमा इंग्ल्यान्ड र वेस्ट इन्डिजबीच प्रतिस्पर्धा हुनेछ ।
दुबईमा हुने इंग्ल्यान्ड र वेस्ट इन्डिजबीचको खेल राति ७:४५ बजे सुरु हुनेछ ।
एकदिवसीय विश्वकप विजेता इंग्ल्यान्ड जित निकाल्दै सुखद सुरुआत गर्न चाहन्छ ।
साविक विजेता समेत रहेको वेस्ट इन्डिज पनि इंग्ल्यान्डलाई हराएर सुखद सुरुआत गर्न चाहन्छ ।
-1737460036.png)
