काठमाडौं । युएई र ओमानमा जारी आईसीसी टी–ट्वान्टी विश्वकप अन्तर्गत आज शुक्रबार दुई खेल हुँदैछ । दुबै खेल सारजाह क्रिकेट स्टेमियममा हुनेछ ।
पहिलो चरणको समूह ‘ए’ अन्तर्गतको आजको पहिलो खेलमा आयरल्यान्डले नामिबियाको सामना गर्नेछ । यी दुई टोलीबीचको खेल दिउँसो ३:४५ बाट सुरु हुनेछ ।
चार टोली रहेको यस समूहमा श्रीलंकाले दुई खेल जित्दै सुपर १२ को यात्रा सुनिश्चित गरिसकाले आयरल्यान्ड र नामिबिया दुबैलाई आजको खेल जित्नै पर्ने दबाब छ । दुबै टोलीले एक खेल जित्दा एक खेलमा पराजय भोगेको छ ।
त्यसैगरी दोस्रो खेलमा श्रीलंकाले नेदरल्यान्ड्सको सामना गर्नेछ । यी दुई टोलबीचको खेल राति ७:४५ मा हुनेछ ।
श्रीलंकाले सुपर १२ को यात्रा सुनिश्चित गरिसक्दा नेदरल्यान्ड्स भने अघिल्ला दुई खेलमा पराजय भोग्दै सो दौडबाट बाहिरिसकेको छ ।
यस समूहको शीर्ष स्थानमा रहेको श्रीलंकाको चार, आयरल्यान्ड र नामिवियाको समान दुई–दुई अंक छ भने नेदरल्यान्ड्स अंकविहिन रहेको छ ।
-1737460036.png)
