के विशालले मौका पाउने छन् त ?
आइतबार, २० भाद्र २०७८खेलपाटी संवाददाता
तस्बिर - एन्फा
काठमाडौं । भारतविरुद्धको पहिलो अन्तर्राष्ट्रिय मैत्रीपूर्ण खेल दशरथ रंगशालामा चलिरहेको थियो, दोस्रो हाफपछि बेन्चमा रहेका गोलरक्षक विशाल श्रेष्ठ वार्म अफमा ब्यस्त थिए ।
धेरैलाई लागेको थियो, सायद अब उनले मौका पाउने छन्, नेपालका लागि डेब्यु गर्न । तर त्यस्तो केही पनि भएन् । उनको नेपालका लागि खेल्ने सपना फेरि एकपल्ट पूरा भएन् ।
भारतले यही खेलका लागि २५ खेलाडीको नाम प्रस्तुत गरेको थियो ।
विशालले यसरी वार्म अप गर्ने र मैदानमा छिर्न नपाउने भएको धेरै भइसकेको छ ।
भारतविरुद्धको दुई खेलका लागि नेपालले अहिलेसम्म आफ्नो टिम यही हो भनेर घोषणा गरेको छैन् । पहिलो खेलका लागि तयार गरिएको लाइन अपमा २४ खेलाडीको नाम छ, जसमा सुजल श्रेष्ठ एक जना मात्र नन प्लेयरका रूपमा छन् ।
भारतले यही खेलका लागि २५ खेलाडीको नाम प्रस्तुत गरेको थियो ।
नेपालको सूचीमा रहेका २३ खेलाडीमध्ये नितिन थापाले त त्यसै खेलमा डेब्युको अवसर पाए । अब डेब्यु गर्न बाँकी खेलाडीमा गोलरक्षक विशालसँगै अर्का गोलरक्षक दीप कार्की र राजन गुरुङ मात्र छन् ।
टिममा कप्तान किरण चेम्जोङसँगै चार गोलरक्षक छन् ।
टिममा रहेका एक अर्का गोलरक्षक विकेश कुथु हुन्, जसले किरण नहुँदा नेपालका लागि खेल्न पाइरहेका छन् । दीप र राजन नयाँ छन्, तिनले फेरि मौका पाउने छन् ।
टिममा रहेका एक अर्का गोलरक्षक विकेश कुथु हुन्, जसले किरण नहुँदा नेपालका लागि खेल्न पाइरहेका छन् । दीप र राजन नयाँ छन्, तिनले फेरि मौका पाउने छन् ।
खालि प्रश्न रह्यो, विशालकै । प्रशिक्षक अल्दुल्लाह अल्मुताइरीकै शब्दमा टिममा को राख्ने र नराख्ने निर्णय उनकै हो । त्यो उनको अधिकार पनि हो ।
तर यी गोलरक्षक विशालले कम्तीमा एकपल्ट खेलोस भन्ने भावनात्मक इच्छा भने धेरैको छ ।
तर यी गोलरक्षक विशालले कम्तीमा एकपल्ट खेलोस भन्ने भावनात्मक इच्छा भने धेरैको छ ।
फेरि अहिले भइरहेको खेल मैत्रीपूर्ण प्रतिस्पर्धा नै हो, त्यसैले यसमा केही न केही प्रयोग गर्न पाइन्छ । खेलको अन्त्यतिर विशाललाई प्रवेश गर्न दिएर उनको सपना पूरा गर्न सकिन्छ ।
विश्वास गरौं, यस्तो हुनेछ ।
