विंगर लुकम्यान लेस्टरमा

काठमाडौं। लेस्टर सिटीले विंगर एडिमोला लुकम्यानलाई अनुबन्ध गरेको छ ।

प्रिमियर लिग क्लब लेस्टरले लुकम्यानलाई जर्मन क्लब आरबी लाइपजिगबाट लोनमा अनुबन्ध गरेको हो ।

लाइपजिगले लेस्टरलाई लुकम्यानलाई स्थायी अनुबन्धको बिकल्प समेत दिएको छ ।

इंग्ल्यान्डका लुकम्यान लगातार दोस्रो सिजन लोनमा खेल्न लागेका हुन् ।

२३ वर्षीय विंगरले गत सिजन फुलहमबाट लोनमा खेलेका थिए ।

लुकम्यान २०१९ मा एभर्टनबाट लाइपजिग गएका थिए ।