काठमाडौं । राजस्थान रोयल्सले ईन्डियन प्रिमियर लिग क्रिकेट (आईपीएल) टी-ट्वान्टी क्रिकेटको बाँकी खेलका लागि वेस्ट इन्डिजका इभिन लेविस र ओशाने थोमसलाई अनुबन्ध गरेको छ ।
राजस्थानले इंग्ल्यान्डका जोस बट्लर र बेन स्टोक्सको स्थानमा लेविस र थोमसलाई अनुबन्ध गरेको हो ।
दोस्रो सन्तानको जन्म हुने भएकोले बट्लरले आईपीएल नखेल्ने भएका हुन् । स्टोक्स क्रिकेटबाट विश्राममा रहेका छन् ।
कोरोनाको कारण रोकिएको आईपीएलका बाँकी खेलहरु युएईमा आयोजना हुनेछ ।
आईपीएल सेप्टेम्बर १९ बाट अक्टोबर १५ सम्म हुनेछ
प्रतियोगितामा दिल्ली क्यापिटल्स शीर्ष स्थानमा रहेको छ । दिल्लीले ८ खेलमा १२ अंक जोडेको छ ।
यस्तै चेन्नई दोस्रो र बैंगलोर तेस्रो स्थानमा रहेको छ ।
