काठमाडौं । मुम्बई क्रिकेटको पूर्व प्रशिक्षक वासु परांजपेले निधन भएको छ ।
पूर्व प्रशिक्षक वासुको सोमबार ८२ वर्षको उमेरमा निधन भएको हो ।
मुम्बई क्रिकेट एसोसियनले पूर्व प्रशिक्षक वासुको मुम्बईस्थित घरमै निधन भएको जनाएको छ।
वासु पार्किन्सन रोगबाट पीडित थिए ।
वासु भारतीय क्रिकेटमा चर्चित प्रशिक्षक हुन् ।
वासुले सुनिल गावसकर, दिलीप वेंगसरकर, संजय मांजरेकर, रोहित शर्मा जस्ता खेलाडी उत्पादन गरेका थिए ।
यस्तै सचिन तेन्दुलकर र राहुल द्रविडको मेन्टरको रुपमा समेत काम गरेका थिए ।
उनको छोरा जतिन भारतका पूर्व खेलाडी र खेलाडी छनोटकर्ता हुन् ।
खेलाडीको रुपमा वासुले मुम्बईका लागि २८ फस्ट क्लास क्रिकेट खेलेका थिए ।
